Traders, wholesalers aur distributors ke liye
Udhaar ka paisa time par wapas — WhatsApp reminder se
Busy ki outstanding list upload karein. Har party ko apne aap reminder aur payment link. Jo pay kar de, uska reminder band.
Kaise kaam karta hai
Step 1
Busy se list upload
Display → Outstanding Analysis → Receivables report Excel mein export karke upload karein, ya copy-paste karein. Mobile number ek baar bharne ke baad yaad rehte hain.
Step 2
Har subah reminder
Jitne din se paisa baaki hai, uske hisaab se narm, yaad dilane wala ya saaf message. Har message mein party ka apna payment link.
Step 3
Party seedha pay kare
Link kholte hi rakam ke saath UPI app khulta hai. Paisa seedha aapke UPI account mein jaata hai — beech mein koi nahi.
Step 4
Paid ho gaya? Reminder band
Party 'Maine payment kar di' daba sakti hai, aap dashboard par 'Payment aa gayi' daba sakte hain, ya agli Busy list upload karte hi clear party apne aap Paid ho jaati hai.
Ek simple plan
₹999 / 30 din
- ✓ 1000 parties tak, unlimited upload
- ✓ Har party ka payment link (UPI, amount ke saath)
- ✓ "Maine payment kar di" — party khud bata sake
- ✓ Busy list se paid parties apne aap clear
- ✓ Har subah reminder, din ke hisaab se 3 level ke message
- ✓ Pehle 7 din free (50 parties tak)
Sawaal-jawaab
Payment aane ke baad party ko reminder kaise band hota hai?
Teen tareeke hain: (1) party payment link par 'Maine payment kar di' dabati hai — reminder turant ruk jaate hain aur aapko email aata hai confirm karne ke liye, (2) aap dashboard par party ke aage 'Payment aa gayi' ya 'Thoda aaya' dabate hain, (3) aap Busy ki nayi outstanding list 'poori list' ke roop mein upload karte hain — jo party list mein nahi hai ya jiska balance 0 hai, wo apne aap Paid ho jaati hai.
Kya paisa aapke paas aata hai?
Nahi. Payment link par sirf aapki UPI ID hoti hai. Party ka paisa seedha aapke bank/UPI account mein jaata hai.
Kya ye Busy ke saath kaam karta hai?
Haan. Busy ki Receivables / Outstanding report ko Excel (.xlsx) ya CSV mein export karke upload karein, ya Excel se copy-paste karein. Party ka naam, baaki rakam, bill date ya din aur mobile number padh liya jaata hai.
Reminder kitni baar jaata hai?
Default: 0–15 din purane udhaar par har 7 din, 16–30 din par har 5 din, 31+ din par har 3 din. Ye din aur teeno message aap Settings mein badal sakte hain. Promise date daalne par us date tak reminder nahi jaata.
Keemat kitni hai?
Pehle 7 din free (50 parties tak). Uske baad ₹999 per 30 din, 1000 parties tak.
Data safe hai?
Aapki list sirf aapke account mein rehti hai aur sirf reminder bhejne ke liye use hoti hai. Har party ka payment link alag aur random hota hai, jisme sirf us party ka naam aur rakam dikhti hai.
Busy users ke liye ye bhi: Busy Bill Entry — bill photo se import file.